2022·12·05
Gipuzkoako Foru Aldundiak eta Gipuzkoako Udalek gurasoei zuzendutako TREBA Gurasoak prestakuntza ekimena jarri dute abian ikasturte honetarako. Gurasoak hezkuntza gaitasunetan trebatuz, haurren eta nerabeen bizi-kalitatea eta aukerak hobetzea du helburu programa honek. Altzon, haur eta nerabeen gurasoentzako (0-17 urte bitarteko seme-alabak dituzten gurasoentzat) "INTERNET, PANTAILAK, BIDEOJOKOAK, SARE SOZIALAK .. ONURAK ETA GATAZKAK. NOLA KUDEATU?” hitzaldia antolatu da. Abenduaren 19an, astelehena, 17:00etatik 18:30etara izango da Batzarremuñon, Rakel Gamito trebatzailearen eskutik eta hitzaldia euskaraz izango da.
Parte hartzeko izena eman behar da kultura@altzo.eus helbidera idatziz edota 943652413 zenbakira deituz, abenduaren 15 aurretik.