Visor de contenido web

 

 

ARGAZKI-BERTSO LEHIAKETA

 

          2021eko argazki lehiaketa berritasunekin dator, alegia, argazkiak eta bertsoak uztartzen dituena. Lehiaketa honek bi fase izango ditu: lehen zatian argazkiak atera eta aurkeztuko dira. Bigarrenean, berriz, epaimahaiak hautatutako argazkiei bertsoak jarriko zaizkie. Fase batean zein bestean edo bietan parte hartu ahal izango du Tolosaldeko edonork. Argazki gehi bertso multzo onenak lortuko du saria. Berdintasun ikuspegia kontuan  hartzea baloratuko da.

 

          LEHIAKETA PROZESUA

 

 

Gaia: Altzo

 

LEHEN FASEA: ARGAZKIAK EGITEA

 

1- Argazkiak aurkeztea: 

  • Gehienez 3 argazki
  • Helbide elektroniko honetara bidaliko dira: kultura@altzo.eus, izen-abizenak eta telefono zenbaki bat adieraziz.
  • Epea: irailaren 6tik urriaren 1era

2- Formatua

  • JPG formatuan
  • Gehienezko pisua: 5 mega
  • Argazkiari izena jarri. Adibidea: bide ertzean.jpg

3- Argazkien aukeraketa:

  • Epaimahaiak 30 argazki aukeratuko ditu eta bakoitzari zenbaki bat ipiniko dio, 1etik 30era 
  • Urriaren 8an ipiniko dira ikusgai www.altzo.eus web orrian 

 

BIGARREN FASEA: BERTSOA(K) EGITEA

 

1- Bertsoa(k) egin behar d(it)uenak:

  • www.altzo.eus web orrian ikusgai dauden argazkietatik hiru aukeratuko ditu gehienez
  • Aukeratutako argazki bakoitzari bertso bat edo bi jarriko dizkio nahi duen neurrian
  • Helbide elektroniko honetara bidaliko dira: kultura@altzo.eus, argazkiaren zenbakia adieraziz. Era berean, egilearen izen-abizenak eta telefono zenbakia adierazi beharko dira.
  • Epea: urriaren 11tik urriaren 29ra

 

ARGAZKI-BERTSO MULTZOEN BALORAZIOA eta AUKERAKETA


 

  • Argazkilaritza-arte eta bertso munduko lau aditu eta zaletuk hautatuko dituzte 13 argazki-bertso multzo onenak.
  • Azaroaren 12an emango da epaiaren berri www.altzo.eus web orriaren bitartez
  • Epaimahaiaren erabakia apelaezina izango da 

 

SARIAK


 

  • Epaimahaiak hautatutako 13 argazki-bertso multzo bakoitzak 2022ko Altzoko egutegiko orri bat izango du
  • Argazki-bertso multzo onenaren bi egileetako bakoitzak ondorengo saria jasoko du: 200 € + 2 lagunentzako otordua Altzoko ostatuan +  egutegiaren azala
  • Gainerako 12 bikoteen artean, honako sari hauek zozketatuko dira: 
  • 50 €-ko bi sari Elkar dendetan erabiltzeko
  • Bi lagunentzako Altzoko Handiaren ibilbide gidatua + Altzoko ostatuan hamaiketakoa egiteko bi sari
  • Atariak antolatutako bertso-jaialdirako bina sarrera
  • Behieko markako bi produktu-sorta
  • Berdintasun Sari Berezia: ikuskizun baterako bina sarrera + egutegiaren martxoko orria

 

SARI BANAKETA EKITALDIA


 

  • Abenduaren 3an, Batzarremuñon, 7etan
  • Sarien zozketa bertan egingo da

 

Aurkeztutako lan guztiak egileen jabetza absolutuan geratuko dira, eta antolaketak argitaratzeko (egutegia, sare sozialak, lehiaketaren webgunea, etab.) edo izaera komertzialik gabeko erakusketarako eskubidea izango du, betiere egileen izena aipatuta.

 

Bertan azaltzen ez den edozein gorabehera antolatzaileek konponduko dute.

 

Antolakuntzak ez du  eduki sexista, matxista, arrazista, homofobo, diskriminatzaile edo intoleranterik duen lanik onartuko.

 

Emandako datuak konfidentzialtasunez tratatuko dira.

 

Lehiaketa honetan parte hartzeak oinarri hauek erabat onartzea dakar.